ಮೌನ ಮಾತು

‘ನಂಗೆ ತಲೆನೋಯ್ತಿದೆ ಅಂತಾ ನಿಂಗೆ ಹೇಗೆ ಗೊತ್ತಾಯ್ತು. ಔಷಧ ಕೊಟ್ಟಿದ್ದಕ್ಕೆ ಥ್ಯಾಂಕ್ಸ್...’

ಹೀಗೊಂದು ಪುಟ್ಟ ಮೇಸೆಜ್ ಇನ್ ಬಾಕ್ಸ್‌ನಲ್ಲಿ ಇಣುಕಿದಾಗ ನಿಜಕ್ಕೂ ಖುಷಿಯಾಯ್ತು. ನಕ್ಕು ಸುಮ್ಮನಾದೆ.

ಅಂದು ಅವಳಿಗೆ ವಿಪರೀತ ಕೆಲಸ. ನಾಲ್ಕಾರು ಬಾರಿ ಕಣ್ಣುಜ್ಜಿ, ಕೀಬೋರ್ಡ್ ಮೇಲಿದ್ದ ಬೆರಳುಗಳನ್ನು ಮುರಿದಾಡಿದ್ದು ಆಯ್ತು. ಆದರೂ ಏನೋ ಬೇಸರ. ಮಾನಿಟರ್ ಮುಖ ನೋಡಿ ನೋಡಿ ಬಹುಷಃ ತಲೆನೋವು ಬಂದಿರಬಹುದು. ಪದೆಪದೇ ಹಣೆ ಹಿಚುಕಿಕೊಳ್ಳುತ್ತ, ಚಡಪಡಿಸುತ್ತಿದ್ದ ಅವಳ ಮುಖದಲ್ಲಿ ನೋವು ಎದ್ದುಕಾಣುತ್ತಿತ್ತು.

ಒಂದು ಮಾತ್ರೆನೋ, ಒಂಚೂರು ಔಷಧಿನೋ ಸಿಕ್ಕರೆ ಸಾಕಪ್ಪ ಎನ್ನುತ್ತಾ ತನ್ನ ವ್ಯಾನಿಟಿಬ್ಯಾಗ್, ಮೇಜಿನ ಸಂದುಗೊಂದು ಹುಡುಕಿದಳು. ಊಹುಂ ಯಾವುದೇ ಪ್ರಯೋಜನವಿಲ್ಲ. ಸುಮ್ಮನೆ ಒಂದೈದು ನಿಮಿಷ ಕಣ್ಮುಚ್ಚಿ ಕೀಬೋರ್ಡ್‌ಗೆ ಹಣೆಹಚ್ಚಿದಳು.

ಪತ್ರಿಕೆ ಓದುತ್ತಿದ್ದ ನಾನು ಸುಮ್ಮನೆ ಎದ್ದು ಹೋದೆ. ಒಂದೈದು ನಿಮಿಷ ಬಿಟ್ಟು ಬಂದಾಗ ಅದೇ ಬಾಡಿದ ಮುಖ. ಅವಳ ಕಂಪ್ಯೂಟರ್ ಪಕ್ಕದಲ್ಲಿಯೇ ಪುಟ್ಟದಾದ ಒಂದು ಝಂಡು ಬಾಮ್ ಇಟ್ಟು, ನನ್ನ ಕಂಪ್ಯೂಟರ್ ಮುಂದೆ ಕುಳಿತೆ.

ಒಂದೈದು ನಿಮಿಷ ಮೌನ. ಕೊನೆಗೊಂದು ನಗು. ಬಾಮ್ ತೆಗೆದುಕೊಂಡು ಹಣೆ ಸವರಿಕೊಂಡಳು. ಕೆಲಹೊತ್ತಿನಲ್ಲಿ ಒಂದು ಪುಟ್ಟ ಮೇಸೆಜ್ ನನ್ನ ಇನ್ ಬಾಕ್ಸ್ ಸೇರಿತು.

‘ನಂಗೆ ತಲೆನೋಯ್ತಿದೆ ಅಂತಾ ನಿಂಗೆ ಹೇಗೆ ಗೊತ್ತಾಯ್ತು. ಔಷಧ ಕೊಟ್ಟಿದ್ದಕ್ಕೆ ಥ್ಯಾಂಕ್ಸ್...’ ಎಂದು ಬರೆದಿದ್ದಳು.

ಸಿದ್ದಿ ಜನರ ಹಾಡು-ಪಾಡು

ಕನ್ನಡಿಗರ ಜೋಕ್ ಫಾಲ್ಸ್

ಖಾದಿ ಬಿಡಿ, ಕಾವಿ ತೊಡಿ

ನಿಮ್ಮ ಓಟು ಯಾರಿಗೆ?

ನೀರಿಗಾಗಿ ನಿತ್ಯ ಸಂಘರ್ಷ

ಜೀವಕ್ಕಿಂತ ಸೀರೆ ಹೆಚ್ಚಾಯಿತೇ?

ಅನ್ನ ಬೇಕೋ ಮಣ್ಣು ಬೇಕೋ

ಶಾಸಕರೇ, ಪಟ್ಟಣ ಬಿಟ್ಟು ಹಳ್ಳಿಗೆ ಬನ್ನಿ

ಇಲ್ಲ, ಇಲ್ಲ, ಇಲ್ಲ... ನಮ್ಮಲ್ಲಿ ಏನು ಇಲ್ಲ.

ಹೈದರಾಬಾದ ಕರ್ನಾಟಕದ ಕೆಲವು ಹಳ್ಳಿಗಳು ಇನ್ನು ರಸ್ತೆಯನ್ನೇ ಕಂಡಿಲ್ಲ ಎಂದರೆ ನೀವು ನಂಬಲೇ ಬೇಕು. ಇದಕ್ಕೆಲ್ಲ  ಕಾರಣ ಸರಕಾರ ಮತ್ತು ಜನಪ್ರತಿನಿಧಿಗಳು... ಏನು, ಎತ್ತ, ಇದರ ಸುತ್ತ ಒಂದು ಚಿತ್ತ ಇಲ್ಲಿದೆ. 

ಅನ್ನದಾತ ಸುಖೀಭವ

ಮಹತ್ವಾಕಾಂಕ್ಷೆಯ ಪ್ರತ್ಯೇಕ ಕೃಷಿ ಬಜೆಟ್  ಮಂಡಿಸಲು ಮುಖ್ಯಮಂತ್ರಿ ಯಡಿಯೂರಪ್ಪ ನೇತೃತ್ವದ ರಾಜ್ಯ ಸರಕಾರ ಸಜ್ಜಾಗಿದೆ. ಆದರೆ, ಹಿಂದಿನ ಬಜೆಟಗಳಂತೆ ಇದು ಕೂಡ ಭರವಸೆಗಳ ಗಾಳಿಗೋಪುರವಾಗಿ ಕಡತ ಸೇರದಿರಲಿ.

ಪೀಠ ಪೀಕಲಾಟ

5 ದಶಕಗಳ ಹೋರಾಟದ ಫಲವಾಗಿ ಧಾರವಾಡ ಮತ್ತು ಗುಲ್ಬರ್ಗದಲ್ಲಿ ಹೈಕೋರ್ಟ್  ಸಂಚಾರಿ ಪೀಠ ಸ್ಥಾಪನೆಯಾಗಿವೆ. ಧಾರವಾಡ ಪೀಠ ವ್ಯಾಪ್ತಿಯಲ್ಲಿರುವ ಕೊಪ್ಪಳ ಮತ್ತು ಬಳ್ಳಾರಿ ಜಿಲ್ಲೆಗಳನ್ನು ಗುಲ್ಬರ್ಗ ಪೀಠಕ್ಕೆ ಸೇರಿಸಬೇಕು ಎಂದು ಗುಲ್ಬರ್ಗ ವಕೀಲರು ವಾದಿಸುತ್ತಿದ್ದಾರೆ. ಎರಡೂ ಜಿಲ್ಲೆಗಳ ವಕೀಲರು ಇದಕ್ಕೆ ವಿರೋಧ ವ್ಯಕ್ತಪಡಿಸುತ್ತಿದ್ದು 'ಪೀಠ'ಕ್ಕಾಗಿ ಹೋರಾಟ ನಡೆದಿದೆ.

ಹೊಸ ವರ್ಷದ ನವೋಲ್ಲಾಸ

ಬದುಕು ಸುಂದರ ಗಾಜು ಇದ್ದಂತೆ. ಮಧುರ ಭಾವನೆ, ಪ್ರೀತಿ, ಕನಸುಗಳ ಸುಂದರ ಚಿತ್ತಾರಗಳನ್ನು ಗಾಜಿನ ಮೇಲೆ ಮೂಡಿಸಿದರೆ ಚಂದನೆಯ ಬದುಕು ನಿಮ್ಮದಾಗುತ್ತದೆ. ದಾರಿ ತಪ್ಪಿದರೆ ಗಾಜು ಒಡೆದೀತು. ನಿಮ್ಮ ಅಕ್ಕರೆಯ ಗಾಜನ್ನು ಜತನದಿಂದ ಕಾಪಾಡಿಕೊಳ್ಳಿ. ಆಲ್ ದಿ ಬೆಸ್ಟ್.